Hverju breytir þetta

Ég ákvað að skoða aðeins greiðsluseðla íbúðarlánanna minna. Það kom í ljós að núna 1. okt er afborgun númer 48/480. Ég er semsagt búinn að borga 10% af öllum þeim seðlum sem munu koma vegna lánsins sem ég sló vegna íbúðarkaupa minna.

Fyrir 4 árum stóð ég frammi fyrir þeirri ákvörðun að kaupa eða leigja húsnæði. Ég átti 4 millur sem átti að vera góð útborgun og ég valdi mér á endanum íbúð sem kostaði mig 18,65 millur eftir samningaþras.

Ég sló 2 lán 1 til 40 ára frá íbúðarlánasjóði sem mátti ekki lána meira en brunabótamatið.

 

  og annað frá SPRON til 20 ára sem mátti lána það sem vantaði upp í 90% af kaupverði.

 

 Í heildina eru þetta lán upp á 15 millur í nafnverði. Þetta þýðir að ég á 3,65 millur í hreinni eign í íbúðinni minni þegar ég kaupi hana. Restin af 4 milljónunum fór í lántökukostnað ofl. 

En í dag eftir að áfallnar verðbætur eru komnar yfir 6 milljónir geri ég ekki ráð fyrir að eiga krónu í íbúðinni og í raun tel ég mig vera með neikvætt eigið fé bundið í íbúðinni. 

Nú þegar 10% lánstímans er liðinn er ég búinn að greiða 4,2% af upprunalega höfuðstólnum á stóra láninu.

 Og þegar 20% lánstímans af litla láninu er liðinn er ég búinn að greiða rétt tæp 14% af upprunalega höfuðstól lánsins. 

Á þessum 4 árum hafa þó höfuðstólarnir hækkað um 6 millur.

Nú ætla þeir að færa aftur greiðslubyrðina niður um 17 mánuði. Ég er ekki alveg klár á því hversu marga þúsundkalla í svigrúm ég fæ við það en mig langar að spyrja að einu.

Nú er greiðslubyrði stóra lánsins 77.600kr á mánuði. Þar af eru 12.200kr sem fara í að greiða niður höfuðstól og restin eru vextir og verðbætur. 

Þarf ég að lengja lánstímann til þess að minka greiðslubyrðina eða munu verðbæturnar frá því í mai 2008 verða afskrifaðar?

Nú er ég búinn að vera í háskólanámi í 3 af þeim 4 árum sem ég hef átt þessa íbúð. Þar af leiðandi hef ég ekki haft neitt aukalega á milli handanna til þess að greiða niður höfuðstól. Þó er ég búinn að greiða allla gjaldaga samviskusamlega. En ég hefði getað verið í helvíti dýrri leiguíbúð en samt brennt minni pening í vitlausu en í þessi 2 íbúðarlán.

Ég er kannski ekki í mikilli neyð, get ennþá greitt þó það verði þyngra og þyngra með hverjum mánuði en mér finnst rétt að fá leiðréttingu á eignarhaldi frekar en leiðréttingu á greiðslubyrði.

En ég er allavega reynslunni ríkari. Ég mun aldrei aftur taka verðtryggt annuitets lán. Það er eitthvað að ef eina leiðin til að komast í húsnæði sem maður hefur efni á er að taka slíkt fátækrargildrulán.

Kveða 

Reiður Skuldari.

Greiðslubyrði lána færð aftur til maí 2008

Leifstöð orðinn lélegur flugvöllur!

Var á ferðalagi um jólin og átti viðkomu í London Stanstead, fugvellinum í Salburg, Austuríki og Frederikshaven í Þýskalandi.

Ég verð að segja að á leifstöð var mér boðið upp á lengstu raðirnar, lengstu göngutúrana, mestu örtröðina, og mesta skipulagsleisið.

Þessi stækkun á Leifstöð hefur ekki komið vel út og er hreinlega til skammar. Þetta var áður lítill og vinalegur flugvöllur, núna er hann ennþá lítill bara ekki vinalegur lengur. 

Þýskur skáti ekki sáttur við Leifsstöð

Bíddu!!

Voru það ekki þeir sem báru fram tilboðið?

Skrítið að það sé orðið of hátt fyrst nú þegar það er búið að opna umslögin.  Og vægast sagt hæpið að hægt sé að draga niður seglin núna, eru þeir ekki skuldbundnir til að standa við tilboðið?

REI hættir við Filippseyjar

Blogg smogg

Þetta er mín fyrsta bloggfærsla eingöngu tíminn mun leiða í ljós hvort hún verði mín síðasta líka